ها شنو خاصك تعرف قبل متشري الذهب في المغرب

دليل الاستثمار في الذهب في المغرب

دليل الاستثمار في الذهب بالمغرب

في هد المقالة غدي نتطرق لاهمية الاستثمار في الذهب في المغرب , والوقت المناسب باش نشري الذهب في المغرب , والطرق المتوفرة للاستثمار وشراء الذهب في المغرب , واحسن الطرق للاستثمار في الذهب في المغرب بالاضافة لثمن غرام الذهب في الوقت الحالي بالمغرب.

وغدي نتعرفو كدلك على اهم الاسباب اللي غتخلي الاستثمار في الذهب في المغرب جداب ومربح.

ثمن غرام الذهب اليوم في المغرب

بلغ سعر الذهب في البورصات العالمية 2479 دولار للاونصة اي ما يعادل تقريبا 24800 درهم مغربية للاونصة , ويبلغ سعر غرام الذهب اليوم في المغرب عيار 18 الذي يباع في المغرب ب 650 درهم في المتوسط في مختلف القساريات واسواق بيع الذهب والمجوهرت بالمغرب.

علاش الاستثمار في الذهب في المغرب حاليا افضل من العقار ومن اي اصل مالي اخر

الى رجعنا للور شوية غير 2014 غنلقاو باللي الثمن ديال غرام الذهب في المغرب كان تقريبا 100 درهم واليوم سعر الذهب في المغرب للغرام واصل وفايت 650 درهم يعني خلال عشرة سنوات فقط ثمن الذهب في المغرب تتضاعف اكثر من 6مرات ونصف وهدا الارتفاع باكثر من 650 في المئة مشهدوش الذهب الخام في الاسواق والبورصات العالمية , اي انه وخا عندنا ارتفاع في سعر الذهب في العالم ففالغرب الارتفاع تيكون سريع وكبير خلال فترة زمنية قصيرة.

والعقار في المغرب خلال عشر سنوات نادرا ما يرتفع بنسبة 100 في المئة فلا مجال للمقارنة بين ارتفاع الذهب ب600 في المئة مع 100 في المئة في العقار.

وديما حركة سعر الذهب في المغرب سنويا تتكون ايجابية عكس الحركة ديالو بالنسبة للذهب الخام في الاسواق المالية العالمية اللي احيانا في عشرة سنوات اقدر اكون فيها سعر الذهب الخام ثابت متيتحركش فنفس السعر , او اتعرض للانخفاض وحتى الى اطلع تيطلع السعر بحركة طفيفة او متوسطة .

ولكن كما قلنا حركة سعر الذهب في المغرب مند الاستقلال لليوم دائما في صعود والمتوقع ان الصعود اللي جاي في اسعار الذهب خلال الفترة المقبلة من 2025 ل 2030 غيكون صعود استثنائي وكبير جدا وقلال الناس اللي غيستافدو من هد الصعود .

شراء الذهب في السعودية : من خلال منصة سبائك 

والى بغيت نشريه كفاش وفين نشريه

باش نشريو الذهب كاينين بززاف ديال الطرق منها نقدرو نشريوه غير في البورصة  ومن الحاسوب وهد النوع دالذهب تيتسمى بالذهب غير الفعلي او غير الملموس واغلب البورصات فيها الذهب الخام يعني ذهب عيار 24 . وشوية الاستثمار في البورصة تتحتاج لشوية دالتعلم والخبرة باش تعرف الاستراتيجية والوقت المناسب باش تشريه , وخا هد الطريقة تقدر تربحك بزززاف ولكن فنفس الوقت تقدر تخسرك دغيا . دكشي علاش ولا بدا من التعلم.

واصلا هد الطريقة ممتوفراش فالبورصة ديال المغرب , مفيهاش البيع والشرا ديال الذهب , تقدر تشريه من منصات عالمية فالانترنت ولكن غيخصك شوية دالمغامرة حيت فلوسك غتمشي عند شركات معندهاش تراخيص فالمغرب وتتواجد فخارج المغرب.

ومنقدروش كدلك نشريو سبائك ديال الذهب في المغرب , حيت ممسموحش اتباعو للمواطنين بحكم ان كمية الذهب في المغرب اصلا قليلة . والطرق التي متوفرة في المغرب حاليا راها مربحة وامنة اكثر من الطرق اللي فاتلي هضرت عليها .

خاصنا غير نردو البال فاش نشريو الذهب نشريوه عند تجار مرخصين وفالقساريات الخاصة بالاتجار في الذهب ونشرو الذهب اللي تيتباع بالميزان يعني بالغرام, لانها هي اللي تتربح اما المجوهرات الذهبية اللي تتباع بالموديل وبالشكل ديالها هي مجوهرات خاصة فقط بالزينة وخا تيتباعو غاليين.

 دكشي علاش اللي باغي الاستثمار في الذهب اشري الانواع اللي غنشير ليها وهي :

النصاص او مايسمى ايضا بالويز وهي عملات مصنوعة من الذهب عيار 21 واللي اغلبها مستاورد من فرنسا يامات الاستعمار وباقي يتاجر فيها في المغرب .

ثم الى ملقيناش الويز نقدرو نشريو مجوهرات نسائية مصنوعة من الذهب وتكون كما قلنا تيتباعو بالغرام وصنعة اليد قليلة فيهم يعني مفيهمش كثرت التلحيمات.  وهد الانواع هي سلسلة الرادكو ولا الغرميت ديال اليد او السراتل والنبالات وعصير الصابون كل هد المجوهرات الذهبية تصلح اننا نشريوها ونخبيو فيها فلوسنا على المدى المتوسط يعني ثلاث سنوات الفوق او البعيد , وهي اللي العائد الربحي ديالها كبير حيث مصنوعة فقط من الذهب.

احسن انواع المجوهرات الذهب في المغرب بهدف الاستثمار

ولكن علاش ثمن الذهب غيرتافع فالمغرب بززاف 

كما قلنا بحكم ان كمية الذهب اللي فالمغرب محدودة والطلب عليها فتزايد فبطبيعة الحال الثمن ديالو غيتزاد على عكس الدول الاخرى في العالم اللي ديما تتستورد الذهب ومخليا التجار استوردوه , ومن الاسباب كدلك اللي تخلي الثمن ديالو اوصل للسماء هو الحروب العالمية اللي نهار بعد نهار تتزاد الرقعة ديالها ها الحرب الروسية الاوكرانية ها الحرب الايرانية الاسرائيلية وتوترات اخرى بين امريكا والصين وكوريا الشمالية من جهة اخرى .

كل شعوب هد الدول غتخلع من الحرب  وغيرتفاع عنده التضخم بحكم المواد الغدائية والمنتوجات قليلة , دكشي علاش كلها غتتجه وتخبي فلوسها فالذهب دكشي علاش الطلب العالمي على الذهب غيرتافع يعني ثمن الذهب اللي غنشريو من برا غيكون غالي وزيد عليه الطلب الداخلي.  هدشي اللي غيخلي اسعار الذهب في المغرب تحطم ارقام قياسية جديدة معمرها وصلاتها فالتاريخ.

نضمن لك ان افضل قرار مالي غتخدو فحياتك هو تشري الذهب في المغرب

من الاسباب ايضا ارتفاع التضخم العالمي والتضخم على المستوى الوطني بحيث ارتفعت قيمة اغلب المواد سواء الاستهلاكية وغيرها بل حتى الخدمات ارتفاع الثمن ديالها لاضعاف مضاعفة مند ازمة كورونا,  مما غيجعل اغلب المواطنين اتاجهو للاستثمار في الاصول المالية باش احميو فلوسهم من التضخم ومن هد الاصول تنلقاو بطبيعة الحال الذهب.

اهم اسباب ارتفاع سعر الذهب في المغرب

ايضا انتعاش السياحة والصناعة التقليدية بالمغرب والاقبال الكبير للسياح على المغرب غيرفع من قيمة سعر الذهب في المغرب.

شاهد ايضا : سعر الذهب للغرام بالمغرب لا تفوت فرصة الاغتناء من الذهب